OTDO
Old Tibetan Documents Online

Pt_1060

Pelliot tibétain 1060
    photo
1. Content : Divination concerning horses, containing a 'Catalogue of the ancient principalities'.
2. Note : Scroll. The beginning is missing. Recto, 100 lines. Verso, blank.
3. References :
Choix II (pls. 368-371, notice 15), Choix IV (26-29) [I.Translit.].
Lalou (1939-1961: II, 47) [P.Translit.],Lalou (1965), Stein (1971: 541),Blondeau (1972: 136),Uray (1979: 298-302),Yamaguchi (1983: 173).

Transliteration   (Change the Display Format)

(1) [---]བར།
(2) [---] [ཡབ?་མྱ?་སླབས?་རྩ?་ཤ?་རྩ?་ན?་གདའ?] [མྱ]མནབས༎ [རྗེ?]བདེན་དང་ཞལ་[མྱྀ?]མཇལ་ནའ༎ རྟ་ལ་འོ་མཉན་
(3) རྨང་ལ་སྡྀག་བཐོད་ནའ༎ ཁ་བང་གཉྀས་འཚོས་གྱྀ་བུ ར་ཡག་གཉྀས་འཚོས་བུ སྤུ་དཀར་དུ་བྱུང་ན་རྟ་ལྷ་འྀ་རྟ་སྟེ་ལྷ་ཡུལ་གུང་དང་གྱྀ་ནང་དུ།
(4) མཆྀས་སྟེ། རྟ་ལྷ་འྀ་རྟ་སྟེ། གཉན་ཏེ་མ་བཏུབ༎ གདོད་དེ་མ་བཅད། ནའ། ཕུཾ་ཕུཾ་ཚུངས་གཅྀག། རྔ་མ་ཉག་གཅྀག།
(5) མཚོ་མོ་ཉག་གཅྀག་ཡུངས་མོ། སྒངས། གཅྀག སྐྱེམ་པ་དངུལ་གང། གྱྀས་རྟ་ལ་འོ་མཉེན། རྨང་ལ་སྡྀག་བཏོད༎ སྤུ་གནག་
(6) དུ་བྱུང་ནའ་ན་རྟ་བདུད་གྱྀ་རྟ་སྟེ། གཉན་དེ་མ་བཐུབ་གཏོད་དེ་མ་བཅད་ན། ཕུཾ་ཕུཾ་ཚུངས་གཅྀག། རྔ་མ་ཉག་ཅྀག།
(7) མཚེ་མོ་ཉག་གཅྀག། ཡུངས་མོ་སྒངས། གཅྀག་སྐྱེམས་པ་དངུལ་གང་གྱྀས་རྟ་ལ་འོ་མཉེན་རྨང་ལ་སྡྀག་བཏོད་དོ།
(8) ཤུ་བོ་ཞུར་པོར་བྱུང་ན། རྟ་དམུ་འྀ་རྟ་སྟེ། གཉན་དེ་མ་བཐུབ། གཐོད་དེ་མ་བཅད། གྱྀས་རྟ་ལ་འོ་མཉེན། རྨང་ལ་སྡྀག།
(9) བཐོད་དོ༎ སྔོན་པོ་ལ་ཞུར་པོར་བྱུང་ན། རྟ་དམུའ་འྀ་རྟ་སྟེ། རྟ་ལ་འོ་མཉེན། རྨང་ལ་སྡྀག་བཏོད་དོ༎ དཀར་པོ།
(10) ལ་ཤེའུ་རྀགསུ་རྀགས་སུ་ བྱུང་ན། རྟ་སྐར་གྱྀ་གྱི་རྟ་སྟེ། གཉན་ཏེ། མ་བཏུབ་གཐོད་དེ་མ་། བཅད་ནའ། རྟ་ལ་འོ་མཉེན།
(11) རྨང་ལ་སྡྀག་བཏོད་དོ༎ ལུ་ཤུ་དམར་དུ་བྱུང་ན། རྟ་གཞའ་འྀ་རྟ་སྟེ་གཉན་ཏེ་མཐུབ་གཏོད་དེ་མ་བཅད། ན་རྟ།
(12) ལ་འོ་མཉེན་རྨང་ལ་སྡྀག་བདོད་དོ༎ འོལ་བ་ཞུར་པོར་བྱུང་ན། རྟ་སྤྲྀན་གྱྀ་རྟ་སྟེ་རྟ་ལ་འོ་མཉེན།
(13) རྨང་ལ་སྡྀག་བཏོད་དོ། སྔོན་པོ་ལ་རྔ་སྐྱར་བྱུང་ན། རྟ་གཉན་གྱྀ་རྟ་སྟེ། རྟ་ལ་འོ་མཉེན། རྨང་ལ་སྡྀག་བཏོད། དོ།
(14) མཚལ་བུ་ཞུར་པོར་བྱུང་ན། རྟ་ཀླུ་འྀ་རྟ་སྟེ་གཉན་ཏེ་མ་བཏུབ། གདོད་དེ་མ་བཅད་ན། རྟ་ལ་འོ་མཉེན།
(15) རྨང་ལ་སྡྀག་བཏོད། དོ༎ ཤུ་མོ་ལ་ལ་གར་དུ་བྱུང་ན། རྟ་སྨན་གྱྀ་རྟ་སྟེ། རྟ་ལ་འོ་མཉེན། རྨང་ལ་སྡྀག་བཏོད།
(16) དོ༎ ནག་པོ་ལ་རྔོག་བཀྲའར་བྱུང་ན། རྟ་སྲྀན་གྱྀ་རྟ་སྟེ་གཉན་ཏེ་མ་བཐུབ། གཐོད་དེ་མ་བཅད། ན།
(17) རྟ་སྡྀག་བཐོད་དོ༎ རྟ་ལ་འོ་མཉེན་ནྀ་གནམ་དུ་མཉེན་ནོ༎ རྨང་ལ་སྡྀག་བཏོད་ནྀ་ས་ལ་བཏོད།
(18) དོ༎ ༄༅། ༔། རྟ་ལ་ཆོ་མ་སྨོས་རྨང་འབྲང་མ་བླགས་ན་རྗེ་བདེན་དང་ཞལ་མྱྀ་མཇལ་ནའ༎ རྟ་ལ།
(19) ཆོ་སྨོས་སོ་རྨང་ལ་འབྲང་བླག་༎ ནའ། གནམ་ལ་སྤྲྀན་ཁ་བོ་སྨྲ་ཤེས་སྟེ་སྤྲྀན། ཀའ། དཀར་ན༎ ས་ལ་རྟ་སྤུ་དཀར༎ གནམ།
(20) ལ་སྤྲྀན་ཁ་གནག་ནའ། ས་ལ་རྟ་སྤུ་གནག༎ གནམ་ལ་སྤྲྀན་ཁ་སྨུག་ན། ས་ལ་རྟ་སྤུ་སྨུག། གནམ་ལ་སྤྲྀན་སྔོ་ན། ས།
(21) ལ་རྟ་སྤུ་སྔོ༎ གནམ་ལ་སྤྲྀན་ཁ་སེར་ནའ། ས་ལ་རྟ་སྤུ་སེར༎ ཁ་བང་གཉྀས་འཚོས་གྱྀ་བུ། སྤུ་དཀར་དུ་བྱུང་ནའ། ལྷ་ཡུལ།
(22) གུང་དང་གྀ་ནང་དུ་མཆྀས་ཏེ་རྟ་ལྷ་འྀ་རྟ་སྟེ། ཆོ་ཡང་ལྷ་རྟ་འྀ་ཆོ། འབྲང་ཡང་ལྷ་རྟ་འྀ་འབྲང། དོ་མ་འྀ་མྱྀ་རྀགས་སྙྀང་དགས་གྱྀ་མྱྀ་རྀགས།
(23) སྤུ་གནག་དུ་བྱུང་ན་རྟ་བདུད་གྱྀ་རྟ་སྟེ། ཆོ་ཡང་བདུད་རྟ་འྀ་ཆོ་འབྲང་ཡང། བདུད་རྟ་འྀ་འབྲང༎ སྟེ་དོ་མ་འྀ་མྱྀ་རྀགས། སྙྀང་དགས༎
(24) གྱྀ་མྱྀ་ཆོ༎ སྤུ་སྨུག་པོ་ལ་ཞུར་པོར་བྱུང་ན། རྟ་དམུ་འྀ་རྟ་སྟེ་ཆོ་ཡང་དམུ་རྟ་འྀ་ཆོ། འབྲང་ཡང་དམུ་རྟ་འབྲང། དོ་མ་འྀ་མྱྀ།
(25) རྀགས། སྙྀ་དགས་གྱྀ་མྱྀ་ཆོ༎ སྐྱ་བོ་ལ་[འོད?]པོར་བྱུང་ནའ། རྟ་ཆོ་ཡང་སླ་རྟའི་འབྲང་སྟེ༎ དོ་མ་འྀ་མྱི་རྀགས། སྙིང།
(26) དགས་གྱྀ་མྱྀ་རིགས༎ སྔོན་པོ་ལ་ཞུང་པོར་བྱུང་ནའ༎ ཆོ་ཡང་གཉི་རྟའྀ་ཆོ་འབྲང་ཡང་གཉི་རྟ་འྀ་འབྲང༎ ཏེ་དོ་མའི་
(27) མྱྀ་ཆོ་སྙིང་དགས་དཀར་པོ་ཤིའུ་རྀས་སུ་བྱུང་ནའ་ཆོ་ཡང་སྐར་རྟའི་ཆོ་འབྲང་ཡང་སྐར་རྟའི་འབྲང༎ ཏེ་དོ་མའྀ།
(28) མྱྀ་ཆོ་སྙི༎ དགས་གྱྀ་མྱི་རྀགས༎ ཤུ་བོ་ལའ་ཞུར་པོར་བྱུང་ནའ། ཆོ་ཡང་གཞ་རྟའྀ་ཆོ་འབྲང་ཡང་གཞ་རྟའི།
(29) འབྲང༎ ཏེ་དོ་མ་འི་མྱྀ་ཆོ་འབྲང་ཡང་གཞ་རྟའྀ་འབྲང་ཏེ་སྙིང་དག་གྱྀ་མྱི་རྀགས༎ འོལ་བའ་ལ་ཞུར་པོར་པོར།
(30) བྱུང་ནའ༎ ཆོ་ཡང༎ སྤྲིན་རྟ་འྀ་འབྲང་ཏེ་དོ་མ་འྀ་མྱི་ཆོ་སྙིང་དགས་གྱྀ་རྀགས༎ སྔོན་པོ་ལ་རྔསྐྱར་རྔ་སྐྱར་
(31) བྱུང། ནའ༎ ཆོ་ཡང་གཉན་རྟའི་ཆོ་རྀགས་ཀྱང་གཉན་རྟའི་རྀགས་སྟེ་དོ་མའི་མྱྀ་ཆོ་སྙིང་དགས་གྱི་མྱྀ་རྀགས།
(32) མཚལ་བུ་ལ་ཞུར་པོར་བྱུང་ནའ༎ ཆོ་ཡང་ཀླུ་རྟའྀ་ཆོ་འབྲང་ཡ་ཡང་གླུ་རྟའི་འབྲང་ཡང་ཀླུ་རྟ་འི་འབྲང་སྟེ།
(33) དོ་མ་འི་མྱྀ་ཆོ་སྙི་སྙིང་ དགས་གྱི་མྱྀ་རྀགས༎ ཤུ་མོ་ལག་གར་དུ་བྱུ་བྱུང་ ནའ་ཆོ་ཡང་སྨན་རྟའྀ་ཆོ་འབྲང་ཡང་སྨན།
(34) རྟའྀ་འབྲང༎ དོ་མའྀ་མྱི་ཆོ་སྙིང་དགས་གྱི་མྱི་འབྲང༎ ནག་པོ་ལ་རྔོག་བཀྲའར་བྱུང་ནའ༎ ཆོ་ཡང་སྲིན།
(35) རྟའི་འབྲང་དོའི་དོ་མའི་ མྱྀ་ཆོ་སྙང་སྙིང་ དགས་གྱི་མྱྀ་རྀགས༎ དབོ་ཡོག་སྡེར་དུ་བྱུང་ནའ༎ རྟ་མེན་སྒྱི་བ་[ཁོབ?]ལ་ལ་རྟ་ཤྀ་ནའ།
(36) བྱ་རོག་གྲོག་བྱུང་ཏེ་ཆོ་ཡང་བྱ་ཟན་གྱི་འབྲངསྟེ་འབྲངས་ཏེ་ དོ་མ་འི་མྱི་ཆོ་སྙྀང་དགས་གྱི་མྱྀ་རིགས༎ སྤོ་མ་ཆོ།
(37) ཆེད་པོ་ནྀ་གནམ་ལས་གླག་འབྲང་མ་པོ་ནྀ་སའ་ལས་བརྩྀ་འོ༎ རྟ་ལ་ཆོ་མྱེད་རྨང་ལ་འབྲ་མེད་སྙམ་ཏེ་ཡི་མ་
(38) [---]འཆད་ཅྀག༎ ཁྱོད་ལྟ་མ་ལགས་གྱྀ༎ དཔོ་ཡོག་སྡེར་ལ་ཡང་ཆོ་དང་འབྲང་ཡོད་དེ་ཆོ་ཡང་བྱ་ཟན།
(39) འདྲང་ཡང་བྱ་ཟན་གྱི་འབྲང་༎ ངོ༎ དོ་མོད་རྟ་ལ་ཆོ་སྨོས་སོ་རྨང་ལ༎ འབྲང་བླག་གོ༎ དཀར་པོ་བརྒྱ་
(40) བསོགས་ནའ། དཀར་པོ་སྤོ་གངས་དང་བརྒྱ་སྟོང་རེ་ཐམ་འབའ༎ དོ་མ་འི་དེ་ཆོ་སྙྀང་དགས་གྱི་དེ་རྀགས་སོ།
(41) ནག་པོ་བརྒྱ་བསོགས་ནའ་ནག་ཆུང་སྲན་མ་དམྱྀ་ག་དང་བརྒྱ་ཏེ་སྟོང་རེ་ཐམ་འབའ༎ སྨུག་པོ་བརྒྱ་བསོགས་ནའ།
(42) སྨུག་པོ་བརྒྱ་བསོགས་ནའ་ཆོས་གྱི་གཙོས་གོང་གོང་དང་བརྒྱ་སྟོང་རེ་ཐམ་འབའ། འོལ་བའ་བརྒྱ་བསོགས་ནའ།
(43) ཐང་བྲང་འོལ་ཀའ་[འབྱོ?]དང་བརྒྱ་སྟོང་རེ་ཐམ་འབའ༎ སེར་པོ་བརྒྱ་བསོགས་ནའ་གསེར་བྱེའུ་ནམ་ཀའ།
(44) ལྡྀང་དང་བརྒྱ་སྟོང་རེ་ཐམ་འབའ༎ ཁྲ་བོ་བརྒྱ་བསོགས་ནའ་ཁྲེའུ་ལོ་རྨུན་དང་བརྒྱ་སྟེ་སྟོང་རེ་ཐམ་འབའ།
(45) ཤུ་བོ་བརྒྱ་བསོགས་ནའ། དང་རེ་དང་བརྒྱའ་སྟོང་རེ་ཐཾ་བ་འབའ་ མོག་རོ་བརྒྱ་བསོགས་ནའ། ཏྀང་ཕུཾ་པོ་དང་བརྒྱ་སྟོང་རེ་ཐཾ་བ་འབའ་ ཡང།
(46) ཆོ་ཡང་དོ་མ་ཐུགས་དགས། གྱྀ་ཆོ་འབྲང། ཡང་དོ་མ་ཐུགས་གྱྀ་འབྲང། ངོ༎ ཆོ་ཡང་ཕུ་དང་མགྱོགས་དང། ནུ་ཡྀད་མགྱོགས།
(47) གྱི་ཆོ། འབྲང་ཡང་ཕུ་དང་མགྱོགས་དང་ནུ་ཡྀད་མགྱོགས་གྱྀ། འབྲང༎ ཁོད་དེ་བྱང་རྩོང། དང་ནག་པོ་སྨྲ་ཤེས། ལས་སོགས།
(48) པ་ཡང་[ནན?] [གོང?]མ་བཞྀན་སྐོར་ཅིག༎ ༄༅། ༔། ལོ་མ་ཉིད་དུ། གྲལ་གང་དངར་པ་ཁེན་རྣམས༎ རྗེ་དང་འབངས།
(49) མཇལ། མྱྀ་དང་ཕྱུགས་མཇལ། གསེར་དང་གཡུ་མཇལ། སྙྀང་ལོ་དགའ་མྱོང། སྐྲ་ལོ་གསར་བཐགས་རྗེ་བདེན་དང་ཞལ་མཇལ།
(50) དུ། [སྤོ?] མ་[ཁེན(/ཁེ་ན)]རྣམས་གྱྀ་མཐོ་རྔོག་སྒྲ་ཕྱུར་ཕྱུར་མན་ཅད་དང། དམའ་དམྱྀག་བཞྀ་lchags/ ཀའ་ཡན་ཅད། དུ་གནམ།
(51) ལ་གཡེན་དགུ་འྀ་གཡལ་ཆགས༎ གཡལ་ང་བ་སླད་དུ་སྤྱྀ་ན། ལྷ་འྀ་གཡལ་ཆགས་ན་ལྷ་རྗེ་ཁར་མངས་སྐྱོལ་གྱྀ།
(52) གཡལ་ཆགས༎ ཚམ་གྱྀ་གཡལ་ཆགས། ན་ཆམ་རྗེ་ཐད་ཀར་གྱྀ་གཡལ་ཆགས༎ བདུད་གྱྀ་གཡལ་ཆགག་ཆགས་ ན་བདུད།
(53) རྗེ་རྨང་ཁུག་གྱི་གཡལ་ཆགས༎ དམུ་འྀ་གཡལ་ཆགས། ནའ། དམུ་རྗེ་བཙན་བ་འྀ་གཡལ་ཆགས༎ སླ་འྀ་གཡལ་ཆགས།
(54) ན་སླ་ཁྲྀ་བོ་གང་རྒྱལ་གྱྀ་གཡལ་ཆགས༎ གཉྀ་འྀ། གཡལ་ཆགས། ནའ། མང་རྒྱལ་ལྷོ་ས་ཅུང་གྱྀ་གཡལ་ཆགས༎
(55) སྐར་གྱྀ་གཡལ་ཆགས་ན་སྐར་སྤོ་དེ་རྒྱལ་བ་འྀ་གཡལ་ཆགས༎ གཞ་འྀ་གཡལ་ཆགས། ན། གཞའ་བཟང་ཁུག་མོ་
(56) འོ་རྒྱད་སྟོང་འབུཾ་གྱྀ་གཡལ་ཆགས༎ སྤྲྀན་གྱི་གཡལ་ཆགས། ནའ། སྤྲྀན་རྗེ་ཁེའུ་ཐུང་རྨང་གཡག་སྐྱེས་གྱྀ་གཡལ་ཆགས།
(57) གཉན་གྱྀ་གཡལ་ཆགས་ནའ། གཉན་སུཾ་ཐོ། དེ་རྒྱལ་བ་འྀ་གཡལ་ཆགས། ཀླུ་འྀ་གཡལ་ཆགས་ནའ། ཀླུ་རྡེང་དེ་བོ་འྀ་གཡལ།
(58) ཆགས༎ སྨན་གྱྀ་གཡལ་ཆགས། སྨན་ཙུན་ཆུང་མ་རོན་གྱྀ་གཡལ་ཆགས༎ གཟེད་གྱྀ་གཡལ་ཆགས་ན། གཟེ་རྒྱལ་ཐང་པོ།
(59) འྀ་གཡལ་ཆགས༎ སྲྀན་གྱི་གཡལ་ཆགས་ན་སྲྀན་རྗེ་དགུ་lchogs གྱྀ་གཡང་ཆགས། པ༎ ཕུཾ་ཕུཾ་ཚུངས་གཅྀག། རྔ་མ་ཉག།
(60) གཅྀག། མཚེ་མོ་ཉག་གཅིག། ཡུངས་སྨོ་སྒངས་གཅྀག། སྐྱེམས་པ་པ་དངུལ་གང་གྱྀས་གཡལ་ང་བ་ཡང། སླད་དུ་སྤྱྀ།
(61) འོ། རྐྱང་རྡྀག་པ་ཡང་སླད་དུ་གཅད་དོ༎ ༄༅། ༔། སྤོ་མ་གྲལ་གང་དངར་པ་ཁེ་ན་རྣམས། རྗེ།
(62) བདེན་དང་ཞལ་མཇལ་དུ། ས་ལ། རྒྱལ་པོ་བཅུ་གསུཾ་གྱྀ་ཕུང་དང་བྱྀན་ཆགས་[?] གཡལ་ང་རྒྱང་རྡྀག། ན་གཡལ་+ལ་
(63) ང་བ་སླད་དུ་སྤྱྀ་རྒྱང་སྡྀག་པ་སླ་དུ་གཅད་ནའ། ཡུལ་ཆབ་གྱྀ་ཡ་བགོ། མཁར་ཁྱུང་ལུང་རྔུལ་མཁར།
(64) གྱྀ་ནང་ན་རྒྱལ་པོ་ལྀག་སྙ་ཤུར། བློན་པོ་ནྀ་ཁྱུང་པོ་དང་ར་སྩང་རྗེ། ཁོལ་གུ་གེ་དང་གུག་lchog གྱྀ་རྟ་འྀ་ཆོ་དང་འབྲང་དུ།
(65) འ་བཐུབ་མ་བཅད་ན་ཆྀབས་ན་རོད་དང་མང་རོག། ཉ་མོ་དང་སྦལ་ཙལ་ཡན ཅད། བརྒྱ་སྡོང་རེ་ཐམ་བ་འྀ་ཆོ་དང་འབྲང་དུ།
(66) མ་བཐུབ་ན་མ་བཅད་ན། རྀ་གཅྀག་གྱྀ་རྩྀ་ལ་མཉམ་དུ་འཚལ་འཚལ་ལུང་གཅྀག་གྱྀ་ཆབ་ལ། མཉམ་དུ་འཚལ།
(67) འཚལ༎ སྤང་སྣར་གྱྀ་སྒང་འགྲུམས་འགྲུམས༎ ལུང་ཕྲན་གྱྀ་མུལ་འཐུབ་འཐུབ༎ རྩྭ་ཟོགས་པ་སྤང་དང།
(68) མྱྀག་གྱྀ་དྲྀན༎ ཆབ་འཚལ་བ་གོང་གྱྀ་གཅགས། རྟ་ཕ་ལ་བྱྀན་ང། མ་ལ་རྒྱང་སྡྀག། བུ་ལ་གཡག་ཆགས་པ།
(69) ཕུཾ་ཕུཾ། ཚུངས་གཅྀག་རྔ་མ་ཉག་གཅྀག། མཚེ་མོ་ཉག་གཅྀག། ཡུངས་མོ་གངས་གཅྀག། སྐྱེམས་པ་རྔུལ་གང་གྱྀས།
(70) ལྷ་ཐུགས་ཅགས་གྱྀ་ཐུགས་ལན་ནའ། ཞང་ཞུང་གྱྀ་ལྷ་མུ་རྒྱུང་དང་སྟང་རྒྱུང་ཐུགས་ཅགས་གྱྀ་ཐུག་ལན།
(71) ཡང་སླན་དུ་གླན་ནོ༎ རྒྱལ་དང་ཅགས་གྱྀ་དང་ལན་ཡང༎ སླད་དུ་གླན་ནོ། བློན་སྙིང༎ ཅགས་གྱྀ་སྙྀང་ལན།
(72) ནའ་ཁྱུང་པོ་ར་སང༎ རྗེ་སྙྀང་ཅགས་གྱི་སྙིང་ལན་ཡང༎ སླད་དུ་གླན་ནོ༎ ལྷ་སླན་ཡང་སླདུ་སླད་དུ་ གླན་ནོ་
(73) རྒྱལ་སྤྲོ་ཡང༎ སླད་དུ་དགར་རོ༎ འདྀ་མན་ཅད་རྒྱལ་པོ༎ རྀལ་ཡང་ནན་འདྀ་བཞིན་བསྐོརོ་བསྐོར་རོ་
(74) ཡུལ་ཁ་ལ་རྩང་སྟོད་རྩང་གྱི་དངོ་མཁར་གྱྀ་ནང་ནའ། ལྷ་རྩང་ལ་འི་བྱེའུ། རྗེ་རྩང་རྗེའི་ཕྱྭའ༎ བློན་པོ་སུདུ་སུད་དུ་
(75) དང་གནང། ཁོལ་རྩང་ཀོལ་རེའུ་རྫྀ༎ རྟ་རྩང་རྟ་དགོལ་+ལ་ ལོང་ལེག་པའ༎ དང་བརྒྱ་སྟོང་རེ་ཐམ་འབའ་འྀ་
(76) ཆོ་དང་འབྲང་དུ་མ་བཏུབ༎ ཡུལ་སྐྱི་རོ་ལྔང་སྔོན་མཁར་སྐྱི་མཁར་ཟོ་ཡོང་སྔོན་འབུའི༎ ནང་ནའ། ལྷ་སྐྱིབས་ལ་བྱ་མང་
(77) ངས༎ རྗེ་སྐྱི་རྗེའི༎ རྨང་པོ༎ ཤུའུ་དང་སྤུག། རྟ་སྐྱི་རྟ་སྐྱ་མ་ལན་ཀར། དང་བརྒྱ་སྟོང་རེ་ཐམ་འབའ་
(78) དབྱེ་མོ་ཡུལ་དུག་ནའ་རྗེ་དབྱེ་རྗེ་མཁར་པའ། ལྷ་དབྱེ་བླ་སྤྱི་བགངས༎ ཕོ་གུམ་དང་ཕོག་རོལ་དབྱེ་རྟ་ཐང་
(79) མངས། དང་བརྒྱ་སྟོ་རེ་ཐམ་འབའ༎ ཡུལ་རྔེགས་ཡུལ་སེ་མོ་གྲུ་བཞི༎ ལྷ་རྔེགས་ལྷ་འྀ་བྱར་མངས་རྔེགས་
(80) རྗེའི་ལྀན་འབྲང༎ བློན་པོ་སམ་པ་དང་ས་པོད༎ རྟ་རྔེགས་རྟ་སྔོ་མ་གཞུང་བཀྲའ༎ དང་བརྒྱ་སྟོང་རེ་ཐམ་
(81) འབའ༎ ཡུལ་མཆྀམས་ཡུལ་དགུ་སུལ་ནའ། ལྷ་མཆིམས་ལ་འི༎ ཐན་འཚོ༎ རྗེ་མཆྀམས་རྗེ་ནེའུ། བློན་པོ་དང།
(82) དང་དིང༎ གཉིས་མཆྀམས་རྟ་སེའུ་གད་ལ་བར༎ དང་བརྒྱ་སྟེ་རེ་ཐམ་འབའ༎ ཡུལ་ལྷོ་ག་ལང་དྲུག་ནའ།
(83) ལྷོ་བླ་འི་གང་རྒྱལ༎ རྗེ་ལྷོ་རྗེ་ལང་ལྀང་བློན་ལྷོ་བློན་ལྷོ་བློན་ཐོག་སྣར༎ ལྷོ་རྟ་ངང་བྲང༎ བརྒྱ་སྟོང་རེ།
(84) ཐམ་འབའ༎ ཡུལ་སྟོད་རོ་ལུང་གསུམ༎ སྟོད་ལྷ་འི་ཟེཟེ་ཟེ་ཟེ་ རྗེ་སྟོད་རྗེ་འབྲོང་ལོམ༎
(85) རྟ་སྣར་འབྲང་དང་བརྒྱ་སྟོང་རེ་ཐམ་འབའ། མཁར་མྱང་རོ་ཤམ་པོ་དགུ་རྩིགས་ལང་ལྀང་གི་ནང་ནའ་རྒྱལ་པོ་
(86) ལོང་ངམ་རྗེ་དང་ངམ་ཚ་པྱི་བྲོམ་དཀར་པོ། བློན་པོ༎ ངབ་མྱི་དང་འབྲེ་གས༎ རྟ་ངས་པོ་རྫྀ་ཏོང༎ དང་བརྒྱ་
(87) སྟོང་རེ་ཐམ་འབའ༎ མྱང་ཡུལ་ཤིང་ནག་ནའ༎ ལྷ་མྱང་ལྷ་འི་བོ་མོ། རྗེ་མྱང་ཙུན་གྱི་རྒྱ་པོ༎ རྟ་མྱང་རྟ་
(88) ནག་བྲའ༎ དང་བརྒྱ་སྟོང་རེ་ཐམ་འབའ༎ ཡུལ་རྐོང་ཡུལ་བྲེ་སྣར་ནའ༎ ལྷ་རྐོང་ལྷ་[ཏེས(/དེས)]ལེགས། རྗེ་རྐོང་
(89) རྗེ་དཀར་པོ། མཁར་པ་དང་འཕན་གཏུག་གཉིས༎ རྟ་ཀྲོང་རྟ༎ རྔོག་བཀྲའ། དང་བརྒྱ་སྟེ་སྟོང་རེ་
(90) ཐམ་འབའ༎ ཡུལ་བྱང་ཀའ་སྣམ་བརྒྱད་མཁར་ཤུ་བའ་བ་ལེག་གྱི་ནང་ནའ༎ དྲུགུའི་དྲུག་གུའི་ ལྷ་ཡོལ་དང་
(91) རེའ། རྒྱལ་ཧིར་ཀིན་དང་དར་ཀན། བློན་པོ་དུན་རྒྱུས་དང་ཨ་མ་ཅའ། ཁོལ་ནག་དྲུག་དང་དང་ཨ་མ་ཅའ་
(92) རྟ་ཧལ་ཙུན་དང་ཐོག་བྱ་རྨད༎ དང་བརྒྱ་སྟོང་རེ་ཐམ༎ ཡུལ་ཆབ་གྱི་མ་གཞུག་རྒྱ་མཁར་སྟེགས་པའི་
(93) ནང་ནའ༎ ལྷ་རྒྱ་བླའི་འབྲོང་ནམ་རྗེ་རྒྱ་རྗེའི་མྱི་འཆན༎ རྒྱ་བློན་གྱི་ཟིང་བའ། རྒྱ་རྟ་འཆམ་འགམ་དང་བརྒྱ།
(94) སྟོང་རེ་ཐམ་འབའ༎ འི་ཆོ་དང་འབྲང་དུ་མ་བཏུབ་མ་{}་བཅད༎ རྒྱ་པོ་བཅུ་གཉྀས་ན་སེ་ར་སེར་ གྲྀ་དང་
(95) བཅུ་གསུམ་བློན་པོ་ཉི་ཤུ་རྩ་བཞི་ནའ༎ སྐྱང་རེ་གནག་དང་ཉིཤུ་ཉི་ཤུ་ རྩ་ལྔ་འ་ཡུ་བཅུ་གཉིས་ནའ་
(96) ཧོད་གྱི་[སེ?]མོ་གྲུ་དང་བཅུ་གསུམ༎ མཁར་བཅུ་གཉིས་ནའ་དབུ་སྟེ་ངམ་པ་ར་དང་བཅུ་གསུམ།
(97) གི་རྟ་འི་ཆོ་དང་འབྲང་དུ་མ་བཏུབ་མ་བཅད་ནའ༎ རྟ་ཕ་ལ་བྱིན་ང་མ་ལ་གཡལ་ཅགས་བུ་ལ་རྒྱང་སྟིག།
(98) པུམ་ཕུམ་ཆུངས་ཅྀག་རྔ་མ་འཕན་ཅྀག་སྐྱེམ་པ་དངུལ་གང་གྱིས་ལྷ་ཐུགས་ཆགས་གྱི་ཐུགས།
(99) ལན་ཡང་སླད་དུ་གླན་རྒྱལ་དང་ཅགས་གྱི་དང་ལན་ཡང་སླད་དུ་གླན་[རྒྱ?]མྱི་སྙི་ཆགས་གྱི་སྙི་ལན།
(100) ཡང་སླད་དུ་གླན་ནོ༎