1. Content : Second inscription at Ldan ma brag
2. Location : Ldan ma brag tsa near the village of Ri mda' in the disctrict of Byams mdun under the jurisdiction of Chamdo 97.5° longitude 30.5°latitude
3. Date : 804
4. Condition : extant
5. Photos / Rubbings :
6. References :
Chab spel (1988) [*], Richardson (1988) [*], Heller (1994) [*], Heller (1997) [*], also a Chinese version of chab spel
(1) ༎ སྤྲེའུ་གི་ལོའི་དབྱར།
(2) མཙན་པོ་ཁྲི་སྡེ་སྲོང་བརྩན་གྱི་རིང་ལ།
(3) དགཱེ་སློང་ཆོས་དང་ཆབ་སྲིད་ཀྱི་བཀའ་ཆེན་པོ་ལ་བཏགས་སྟེ།
(4) གསེར་གྱྀ་བཀུ་རྒྱལ་མན་ཅད་ཀྱི་ཐབས་རྩལ།
(5) ཇོ་མོ་མཆིམས་ལྟ་ལེགས་མོ་བརྩན་ལ་རྩོགས་པ།
(6) རྗེས་འབངས་མང་མོ་ཞིག་ཐར་པར་བཀྱེལ།
(7) བཀའ་ཆེན་པོ་ལ་གཏོགས་པའི་དགེ་སློང་བྲན་ཀ་ཡོན་ཏན་དང་ལྷོ་དོན་དམ་དང་བློན་ཆེན་ཞང་འབྲོ་ཕྲི་གཟུའ་དམ་ཤགས་[---]དང་ནང་བློན་[---]བློན་ཁྲི་སུམ་བཞེངས་མདོའ་བརྩན་ལ་རྩོགས་པ།
(8) ཆབ་སྲིད་ལ་བཀའ་རྩལ་ཏེ།
(9) རྒྱ་དང་མཇལ་དུས་ཀྱྀ་མགོའ་བརྩམས་པའི་ལས་ལ་[---]མཁན་བོད་གོར་ཡེ་ཤེས་དབྱངས་དང།
(10) དགཱེ་དགེའ་ སློང་སྟག་ལོ་གཐན་ཏེ་དང།
(11) གད་ནམ་ཀའྀ་སྙིང་པོ་དབྱངས་ཀྱིས།
(12) བཚན་པོའི་སྐུ་[ཡོན]དང་སེམས་ཅན་ཐམས་ཅད་ཀྱྀ་བསོད་ནམས་སུ།
(13) སྐུ་གཟུགས་དང་སྨོན་ལམ་འདྀ་རྣམས་བྲིས་ཏེ།
(14) སྤྱིའྀ་ཞིང་ཏ་པ་ནི།
(15) འོར་ངུའི་གནས་བརྟན།
(16) རླང་མཆོག་རབ་དང།
(17) གཉྀ་བཟང་པོ་དཔལ་ཀྱིས་བགྱྀས།
(18) ལས་དཔོན་[---]་དགཱེ་དགེའ་ སློང་ཞེ་ཧྲཱྀ་དགཱེ་དགེའ་ སློང་[---]གསེང་པབ་ཤྀན་དང་ཡེན་དམ་ཡེས་བགྱྀས་ཇོ་མཁན་[---]།
(19) ཡུགས་གི་ཉག་བྲེ་ཤབ་དང་ཤོད་ལགས་ཀོད་དང།
(20) ལྡུམ་མ་འགམ་དང་རྒྱ་ཧུན་བོང་ཙེང་སྤང་དང།
(21) ཧྭ་ཧོའུ་ཇྀན་རྣམས་ཀྱི་བགྱིས་སོ། ༔།
(22) འདྀ་ལ་རྗེས་སུ་ཡི་རེང་བས་ཀྱང་བསོད་ནམས་མཉམ་པར་ཐོབ་བོ།